Jouw toekomst na afronding van Leraar Fries

Do wurdst oplaat ta learaar algemien ûnderwiis (havo/vwo) en learaar beropsûnderwiis (vmbo/mbo).

Wat kinst wurde mei de oplieding Leraar Fries?

Wêr meist lesjaan?

Do wurdst - ôfhinklik fan dyn útstreamprofyl - oplaat ta learaar fuortset ûnderwiis havo/vwo of ta dosint beropsûnderwiis (vmbo, mbo) en folwoeksene-edukaasje (foarhinne oantsjutten as twaddegraads). Dat betsjut datst nei it heljen fan dyn diploma lesjaan kinst oan:

Ûnderbou havo en vwo
It vmbo
It mbo

Hoefolle kâns hast op in baan?

Dyn kânsen op in baan yn it ûnderwiis binne goed. Ut ûnderfining witte wy dat elke studint dy’t by ús Frysk studearre hat wurk krijt. Fraach en oanbod binne op de arbeidsmerk goed opinoar ôfstimd.

Dûbele kompetinsje

Wolst net ien, mar twa kompetinsjes helje? Dan kinst dizze oplieding kombinearje mei in oare twaddegraads learaaroplieding, Sa as bygelyks de oplieding Learaar Nederlânsk. Sa krigesto in dûbele kompetinsje en kinst yn twa fakken lesjaan.