Studieopbouw Leraar Fries
Krekt as dyn learlingen skielk, ferskilst as studint yn dyn learbehoefte, ynteresses en wize fan learen fan oare studinten. Njonken in standertprogramma biedt de oplieding romte foar eigen mooglikheden om te kiezen.
Stúdzjeopbou Learaar Frysk
Fleksibel en útdaagjend!
Dyn kompetinsjeûntwikkeling is dêrby altyd liedend. Yn de ôfstudearfaze hast kar út twa ferskillende ofstudearrjochtingen, nammentlik learaar algemien ûnderwiis (havo/vwû) en learaar beropsûnderwiis (vmbo/mbo).
In brede profesjonele basis
Der komt nochal wat te sjen by it learaarskip: do moatst de nedige fakkennis ha, sicht ha op hoe’t learlingen yninoar sitte en hoe’t sy it bêste dyn fak leare kinne. Dêrnjonken binne sawol yn it berop as yn de oplieding feardichheden lykas planne, organisearje, gearwurkje, kommunisearje, reflektearje en ûndersykje fan grut belang foar in dosint. Dat neame wy in brede profesjonele basis. Do trainst dyn feardichheden by de oplieding.
Fakken
Dyn fakkennis en fakfeardichheden Frysk fergruttest troch modules en trainingen.
Persoanlike Profesjonele Untwikkeling (PPU)
Yn it earste jier ûndersikest ast geskikt bist foar it berop en de oplieding. Do sjochst hokker kennis en feardichheden fan belang binne foar in learaar en yn hoefier asto dêroan foldochst.
Wurkpleats learaarskip
Do oriïntearrest dy op it learaarskip troch middel fan ferskate projekten, in profesjonalisearringstaak (P-taak) en kolleezjes. Do learst de grûnbegjinsels fan it lesjaan, lykas ynteraksje mei learlingen, it meitsjen fan ferantwurde lessen en klassemanagement. Do hast didaktyske praktika, (fak)didaktyske opdrachten en dochst in koarte staazje.
Fakken
Krijst modules en trainingen om dyn fakkennis en fakfeardichheden Frysk
fierder te fergrutsjen.
Persoanlike Profesjonele Untwikkeling (PPU)
As ferfolch op it earste jier silst dyn brede profesjonele basis ferdjipje en ferstevigje. Do makkest in eigen stúdzjeplan, begelaat troch de stúdzjecoach: wat ha ik nedich om in goede learaar te wurden en hoe pak ik dat oan?
Wurkpleats learaarskip
Do ferdjippest dy yn in manier fan lesjaan dy't learlingen aktivearret. Do folgest dêr kursussen oer en giest dêrmei oan ;e slach yn 'e praktyk. Yn it twadde jier jousto, ûnder begelieding fan in coach, sels lessen op dyn staazjeplak. Dyn profesjonalisearringstaak stiet ek yn it teken fan it aktivearjen fan de learling.
Frije romte
As stipe by dyn profesjonalisearring kinst kieze út in stikmannich koartduorjende trainingen. Dêr wurdt omtinken yn jûn oan feardichheden dy't by it berop hearre, mar ek oan dyn eigen persoanlike ûntwikkeling.
Fakken
Krijst modules en trainingen om dyn fakkennis en fakfeardichheden Frysk noch fierder te fergrutsjen.
Persoanlike Profesjonele Untwikkeling (PPU)
Oan de ein fan it tredde jier litst sjen datst by steat bist om oan de perioade fan ôfstudearjen te begjinnen. Do bepaalst yn hokker rjochting ast dy spesjalisearje wolst en litst sjen datst dyn byld fan it berop keppelje kinst oan dyn eigen hanneljen.
Wurkpleats learaarskip
Yn jier trije litst sjen datst ferantwurde lessen jaan kinst, sawol op didaktysk as fakdidaktysk gebiet. Njonken (fak)didaktyske trainingen ferdjippest dy yn it begelieden fan learlingen. Do folgest trainingen dy't dy dêr by helpe en by de profesjonalisearringstaak dochst ûndersyk nei soarchlearlingen. Yn jier trije silst hieltyd mear selsstannich lesjaan.
Minor
Ofhinklik fan dyn stúdzjeresultaten kinst kieze út de een keuzemodules (minor) dy’t troch NHL Stenden Hogeschool oanbean wurde. Do kinst der ek foar kieze om in minor yn it bûtenlân of op in oare hegeskoalle yn Nederlân te folgjen.
Ofstudearrjochting
Yn 'e ôfstudearrjochting algemien foarmjend ûnderwiis (avo) of beropsûnderwiis (vmbo of mbo) joust selsstannich les en ferdjippest dyn kennis.
Selsstannich lesjaan
Yn it fjirde jier joust selsstannich les op in middelbere skoalle, yn it beropsûnderwiis of yn 'e folwoeksene-edukaasje. Hast dyn eigen groepen en stiest noed foar it ûnderwiis en de begelieding fan learlingen, yn de ramten fan dyn oplieding, de skoalle en de ôfstudearrjochting. Litst sjen datst dyn eigen ûnderwiis ûntwerpe, útfiere en evaluearje kinst.
Underwiisprofessional yn avo of beropsûnderwiis
Yn jier 4 moatst sjen litte datst as profesjonele learkrêft oan 'e slach kinst. Kinst dyn hanneljen taljochtsje en ferantwurdzje neffens dyn fyzje op it ûnderwiis en it berop fan learaar.
Ofstudearûndersyk
By it ôfstudearûndersyk draait alles om it ûntwikkeljen fan ûnderwiis. Dan dochst ûndersyk om in probleem op te lossen, om ûnderwiis fan 'e takomst te ûntwikkeljen en/of by te dragen oan fernijingen op in skoalle.
Het onderwijsconcept van de opleiding Leraar Fries
Wil je een dagje meelopen?
Staazje
Wêr learst it bêste om les te jaan? Foar en yn 'e klasse fansels! Yn it earste jier oriïntearrest dy op it berop fan dosint mei in koarte staazje en besites oan skoallen. Yn de haadfaze rinst wiidweidiger staazje. Do fierst alderhanne taken fan in learaar út: húswurk besprekke, in les tariede en útfiere, in proefwurk meitsje en beoardielje, lesjaan en ferskate wurkfoarmen tapasse. Yn it lêste jier joust in oantal dagen yn 'e wike les as ‘echte dosint’. Njonken lesjaan komme dan ek âlderjûnen, dosintebyienkomsten en learlingbegelieding oan bod.
Projecten
Als onderwijsprofessional ben je continue bezig met ontwikkelingen en innovatie in het onderwijs. Daarom werk je bij onze onderwijsopleidingen vaak in een team aan realistische praktijkopdrachten.
Onderwijscatalogus
studieopbouw
Is dit de opleiding die je zoekt?
Ben je er van overtuigd dat de opleiding Leraar Fries bij je past? Schrijf je dan direct in, of kies een van de overige opties als vervolgstap!
